தமிழ் வாழ்க...
இந்த குற்ற உணர்ச்சியாகப்பட்டது பல ரகம். பள்ளிக்கூடத்துக்கு மட்டம் போட்டுவிட்டு, மோட்சம், பரங்கிமலை ஜோதி இன்ன பிற திரையரங்குகளில், படம் பார்த்து விட்டு வீட்டுக்கு தாமதமாகச் சென்று , ஏதாவது ஒரு சாக்கு சொல்லி ஏமாற்றும் போது ஏற்பட்ட குற்ற உணர்ச்சியில் இருந்து தொடங்கி, வேலை அதிகம் என்று வரும் மடல்களுக்கு பதில் போடாமல் விட்டுவிட்டு பின் வருத்தப்படும் சமீபகால குற்ற உணர்ச்சி வரை, ரகம் ரகமாக இருக்கும் இவை, ஏற்படுத்தும் தாக்கமும் வகை வகையானவை.
என்னுடைய சமீபத்திய குற்ற உணர்ச்சி, தமிழில் ஆங்கில வார்த்தைகளைக் கலந்து எழுதுதல் தொடர்பானது. இது திடீரென்று அதிகரித்ததற்கு மரத்தடி இணையக்குழுவில் நடந்த சில மடல் பரிமாற்றங்களும் காரணம்.
2003 ஆண்டு மத்தியிலே இணையத்தில் முதன் முதலாக எழுத வந்த போது, சிந்தனை ஓட்டத்துக்கும், எழுதுகிற வேகத்துக்கும் இடைவெளி அதிகமாக இருந்த நேரத்திலே, பொருத்தமான தமிழ் வார்த்தைகள் கிடைக்காமல் போகும் போது, சட்டென்று வந்து விழும் ஆங்கில வார்த்தையை அப்படியே எழுதி வலையில் ஏற்றும் பழக்கம் வந்தது. இன்றைக்கும் இந்தப் பழக்கம் இருக்கிறது.
நம் சிந்தனையை, ஒப்பனையில்லாமல், அது முகிழ்த்த நேரத்திலே, தோன்றிய கணத்திலேயே வெளிப்படுத்துவது, ஒரு விதமான நேர்மையைக் குறிக்கிறது என்று நான் கருதிய போதிலும், எழுதத் துவங்கி சில வருடங்கள் சென்ற பின்னரும், சிறிதளவு முனைப்பும் இல்லாமல், நன்றாகப் புழக்கத்தில் இருக்கும் தமிழ்ச் சொற்களை பயன்படுத்தாமல், யதார்த்தம் என்ற பெயரிலே ஆங்கிலம் கலந்து பேசுவது, ஒரு விதமான அராஜகம் ( என்னுடைய) என்றே தோன்றுகிறது
தமிழை தமிழாகப் புழங்குவது குறித்து ( இதை தனித்தமிழ் என்று சொல்வது இன்னொரு வேடிக்கை) இராம.கி அய்யா, வாசன், ஆசீப் மீரான் , இன்னும் பல நண்பர்கள் தொடர்ந்து எழுதி வந்திருக்கிறார்கள். அவர்களும், இந்தப் பதிவுக்கு ஒரு தூண்டுகோலாக இருந்திருக்கலாம். எனக்குத் தெரியவில்லை.
ஆகவே, இந்த நிமிடம் துவங்கி, இனி ஆங்கிலம் கலக்காமல் தமிழை எழுதுவது என்று ஒரு உறுதிமொழி எடுத்துக் கொள்ள ஆசையாகத் தான் இருக்கிறது என்றாலும், வகை தொகை தெரியாமல், வாக்குறுதி கொடுத்து விட்டு தேர்தல் காலத்தில் முறத்தால் அடிபடும் சட்டமன்ற உறுப்பினர் வகை ஆள் நான் இல்லை என்ற காரணத்தால்.....
......இன்று தொடங்கி, இனி ஏழு நாட்களுக்கு இங்கே தினமும் பதிவு இடப்படும். அதிலே ஒரே ஒரு ஆங்கில வார்த்தை கூட இருக்காது. அப்படி ஆங்கில வார்த்தையை கண்டுபிடித்து எழுதும் முதல் மூன்று அன்பர்களுக்கு ஒரு சிறப்புப் பரிசு உண்டு......
இந்த ஆட்டத்திலே யார் வேண்டுமானாலும் கலந்து கொள்ளலாம். அனுமதி இலவசம்.
என்னுடைய சமீபத்திய குற்ற உணர்ச்சி, தமிழில் ஆங்கில வார்த்தைகளைக் கலந்து எழுதுதல் தொடர்பானது. இது திடீரென்று அதிகரித்ததற்கு மரத்தடி இணையக்குழுவில் நடந்த சில மடல் பரிமாற்றங்களும் காரணம்.
2003 ஆண்டு மத்தியிலே இணையத்தில் முதன் முதலாக எழுத வந்த போது, சிந்தனை ஓட்டத்துக்கும், எழுதுகிற வேகத்துக்கும் இடைவெளி அதிகமாக இருந்த நேரத்திலே, பொருத்தமான தமிழ் வார்த்தைகள் கிடைக்காமல் போகும் போது, சட்டென்று வந்து விழும் ஆங்கில வார்த்தையை அப்படியே எழுதி வலையில் ஏற்றும் பழக்கம் வந்தது. இன்றைக்கும் இந்தப் பழக்கம் இருக்கிறது.
நம் சிந்தனையை, ஒப்பனையில்லாமல், அது முகிழ்த்த நேரத்திலே, தோன்றிய கணத்திலேயே வெளிப்படுத்துவது, ஒரு விதமான நேர்மையைக் குறிக்கிறது என்று நான் கருதிய போதிலும், எழுதத் துவங்கி சில வருடங்கள் சென்ற பின்னரும், சிறிதளவு முனைப்பும் இல்லாமல், நன்றாகப் புழக்கத்தில் இருக்கும் தமிழ்ச் சொற்களை பயன்படுத்தாமல், யதார்த்தம் என்ற பெயரிலே ஆங்கிலம் கலந்து பேசுவது, ஒரு விதமான அராஜகம் ( என்னுடைய) என்றே தோன்றுகிறது
தமிழை தமிழாகப் புழங்குவது குறித்து ( இதை தனித்தமிழ் என்று சொல்வது இன்னொரு வேடிக்கை) இராம.கி அய்யா, வாசன், ஆசீப் மீரான் , இன்னும் பல நண்பர்கள் தொடர்ந்து எழுதி வந்திருக்கிறார்கள். அவர்களும், இந்தப் பதிவுக்கு ஒரு தூண்டுகோலாக இருந்திருக்கலாம். எனக்குத் தெரியவில்லை.
ஆகவே, இந்த நிமிடம் துவங்கி, இனி ஆங்கிலம் கலக்காமல் தமிழை எழுதுவது என்று ஒரு உறுதிமொழி எடுத்துக் கொள்ள ஆசையாகத் தான் இருக்கிறது என்றாலும், வகை தொகை தெரியாமல், வாக்குறுதி கொடுத்து விட்டு தேர்தல் காலத்தில் முறத்தால் அடிபடும் சட்டமன்ற உறுப்பினர் வகை ஆள் நான் இல்லை என்ற காரணத்தால்.....
......இன்று தொடங்கி, இனி ஏழு நாட்களுக்கு இங்கே தினமும் பதிவு இடப்படும். அதிலே ஒரே ஒரு ஆங்கில வார்த்தை கூட இருக்காது. அப்படி ஆங்கில வார்த்தையை கண்டுபிடித்து எழுதும் முதல் மூன்று அன்பர்களுக்கு ஒரு சிறப்புப் பரிசு உண்டு......
இந்த ஆட்டத்திலே யார் வேண்டுமானாலும் கலந்து கொள்ளலாம். அனுமதி இலவசம்.
Comments
சமக்கிருதம் கலக்காமல் எழுதுவதாக முடிவெடுக்கப் போகிறீர்கள்? :-P
bachelor days (and nights) குற்ற உணர்ச்சி will differ from post-bachelor days (and nights)குற்ற உணர்ச்சி :).
கலக்காமல் எழுதுவதாக முடிவெடுக்கப் போகிறீர்கள்? :)
காசிக்கு பரிசு உண்டா..??
"posted by icarus prakash at 9:49 AM on Sep 20 2005" இஃது என்ன சுண்டலத்தெலுகா?
அப்படியே வந்த இடத்திலே வராது வந்து சந்தித்த மாமணிக்கும், "காசி அய்யா கும்புடுறேனுங்க."
3 பதிவு தொடர்ந்து எழுதினா நீங்க தமிழ்மணத்துல "வந்துருவீங்க" :-))
தனித்தமிழா?
அவ்வளவு தமிழ் தெரிஞ்சா நான் ஏன் இப்படி இருக்கேன்?
அது போட்டும் அந்த ஐகாரஸ் தமிழ்தானே?
"" "" "" "" " " :-)
வாழ்த்துக்கள்!
அண்மையில் தமிழ்முரசு என்ற மாலையிதழ் "கலக்கலா ஈவினிங் பேப்பர்" என்று விளம்பரம் செய்ததைப் பார்த்தவுடன் எனக்கு ஏற்பட்ட எரிச்சல், இன்னதென்று கிடையாது. ஒரு பக்கம் நாளிதழ்ப் பெயரில் தமிழ்; இன்னொரு பக்கம் அதை நடைமுறைப் படுத்தலில் தமிங்கிலம்; இவர்களைப் போன்றவர்கள் தான் நம்மைக் கெடுத்தவர்கள். காசில் மட்டுமே குறியாய் இருப்பவர்கள். அண்மையில் தினகரன் வாங்கிய தொலைக் காட்சியினர் தான் இதைத் தொடங்குகின்றனரோ?
உங்களைப் போல் இன்னும் பலர் தமிங்கிலத்தைத் தங்களால் முடிந்த அளவு தவிர்க்க முன்வந்தால், எதிர்காலம் என்ற ஒன்று தமிழுக்கு இருக்கும். இல்லையென்றால் ஒரு பத்து, பதினைந்து ஆண்டில் சங்கூதும் நிலை வந்துவிடும்.
அன்புடன்,
இராம.கி.
உங்கள் முயற்சி வெற்றி அடைய வாழ்த்துக்கள். நானும் முயலப் போகிறேன்..
ரவி : எத்தனை உசுப்பேற்றினாலும் இன்னும் ஆறு நாட்களுக்கு ஆங்கிலம் கலக்க மாட்டேன் :-)
"posted by icarus prakash at 9:49 AM on Sep 20 2005" இஃது என்ன சுண்டலத்தெலுகா?//
ரமணி : உள்ளே புகுந்து சரி செய்வது எப்படி என்று தெரியவில்லை. இன்றிரவு சோதனை செய்து பார்க்கிறேன்.
ஒரு வாரம் தானே? இட்ஸ் ஓகே :-))
(சும்மா 'தனித்தமிழ்' முயற்சி(த்)தேன்...:)
சரி அப்போ ஒரே ஒரு நிபந்தனை. சும்மா போங்கு எல்லாம் அடிக்கக்கூடாது. இந்த ஏழு நாள்ல எழுதற பதிவுகள்ல இருக்கற சொற்களின் மொத்த எண்ணிக்கை குறைஞ்சது 300ஆவது வரணும்.
வந்துட்டா? வந்துட்டா நான் இதே மாதிரி 30 நாளுக்கு முயற்சிப்பேன். ஹி, ஹீ.
பிறகு படம் போடுறாங்களோ நாலுவரி கவிதை எழுதிறாங்களோ எண்ணம்தானே முக்கியம்? ;-)
எனக்கென்னவோ சிலர் உங்கள் முயற்சியை விளையாட்டாக விளங்கிக்கொண்டார்களோ என்ற ஐயமுண்டு.
இதை வைத்து "இந்த வாரம் தமிழ் நட்சத்திரம்" என்று ஆரம்பிக்கலாமே! 'தமிழ் மணத்தின் முதல் தமிழ் நட்சத்திரம்' ஒளிக! ச்சே, ஒளிர்க!!
அப்படியே "ஜாலியா ஜெயிக்கலாம், வாங்க ஸ்டூடென்ட்ஸ்" என்றால் என்ன பொருளென்று உங்கள் கோயிஞ்சாமி குழுவிடம் கேட்டு சொல்லுங்களேன்.
:-))))))))
வாழ்த்துக்கள் பிரகாஷ்..
சு.மு, கோயிஞ்சாமி குழுவுக்குள் குழப்பம் விளைவிக்க வேண்டாம் என்று அன்புடன் கேட்டுக் கொள்கிறேன் :-)
ராம்கி, மதியிலி, பாலா, வசந்தன், பொடிச்சி, கிருபா... அனைவருக்கும் நன்றி.
இப்பத் தொலைக்காட்சியில் வரும் தமிழ்முரசு விளம்பரத்துலே "கலக்கலா ஈவினிங் பேப்பர்" என்கிற வாசகம் போய், "கலக்கலா மாலை நாளிதழ்"ன்னு வருது. நல்ல மாற்றம் தான். அப்ப யாரோரோ வலைப்பதிவு, மடற்குழு எல்லாம் கூர்ந்து படிக்கிறாங்க.
மொத்தத்துலே அடிக்க, அடிக்க அம்மியும் நகரும் சாமி.
அன்புடன்,
இராம.கி.
மொத்தத்துலே அடிக்க, அடிக்க அம்மியும் நகரும் சாமி.//
அய்யா, நீங்கள் சொல்வது சரிதான். தமிழ் மென்பொருள் விவகாரத்திலிருந்து ( குறிப்பாக பத்ரி பதிவில் எழுந்த விவாதங்களில் இருந்து ) தமிழ் வலைப்பதிவுகள் நிறைய பேரின் கவனத்தை ஈர்த்தன. அதிலிருந்து தமிழ் வலைப்பதிவுகளை கவனமாகப் பார்க்க ஆரம்பித்துள்ளார்கள். வலைப்பதிவுகளின் சக்தி எத்தகையது என்பதைச் சொல்லும் ஒரு ஆங்கிலப் பத்திரிக்கையின் சுட்டி இதோ