செ.பு.க.காட்சியில் வாங்கிய புத்தகங்கள்

By
indibloggies தேர்தலில் வெற்றி பெற்ற முகமூடிக்கு வாழ்த்துக்கள். தமிழ்மணத்துக்கு ஓட்டு போட்ட 127 பேருக்கு நன்றிகள்.

சென்னை புத்தகக் கண்காட்சி சென்ற முறை போல அத்தனை ருசிக்கவில்லை. என்ன காரணம் என்று தெரியவில்லை. இருமுறை சென்று சுற்றியதில், புதிய வரவுகள் அதிகம் இல்லை என்பது போலத் தோன்றியது. வாங்கிய புத்தகங்கள்.

ஹாலிவுட் அழைக்கிறது - லாஸ் ஏஞ்சல்ஸ் ராம் - கிழக்கு
கோலிவுட் பற்றிய கனவு காண்பவர்களை வெறுப்பேற்றும் அழகான முயற்சி. ஹாலிவுட் பற்றிய, நிறைய உருப்படியான, கேள்விப்பட்ட, கேள்விப்படாத தகவல்கள். நடையில் வழக்கமான துள்ளல் இல்லை ( ஓரிரு இடங்கள் தவிர்த்து). காதோரம் மடித்து விட்டு பிறகு படித்துக் கொள்ளலாம் என்று நினைக்கா வண்ணம், ஒரே மூச்சில் படிக்கலாம். value for money

கண்ணீரும் புன்னகையும் - முகில் - கிழக்கு
ஜே.பி.சந்திரபாபுவின் வாழ்க்கை பற்றிய நல்லதொரு ஆவணம். முகிலின் உழைப்பு பல இடங்களில் தெரிகிறது. தேர்ந்த எழுத்தாளர் போன்ற நடை. சந்திரபாபுவின் தனிப்பட்ட வாழ்க்கை பற்றிய இடங்கள் தனியாகத் தொங்குகிறது. சந்திரபாபு - சாவித்திரி affair குறித்து குறைந்த பட்சம் ஒரு அத்தியாயமாவது எழுதியிருக்க வேண்டும், ஆனால் பிற்சேர்கையில், ஒரு பத்தியுடன் முடித்து விடுகிறார். இந்த வரிசையில் இன்னும் வரவேண்டிய பிரபலங்கள் நிறையபேர் இருக்கிறார்கள். எம்.ஆர்.ராதா, எஸ்.பாலசந்தர், மாடர்ன் தியேட்டர்ஸ் டி.ஆர்.சுந்தரம், என்.எஸ்.கிருஷ்ணன், எம்.கே.டி...

மார்க்கெடிங் மாயாஜாலம் - சதீஷ் கிருஷ்ணமூர்த்தி - கிழக்கு
இது குறித்து சென்ற பதிவு

அசடு - காசியபன் - விருட்சம்( இன்னும் படிக்கவில்லை)

விரும்பிச் சொன்ன பொய்கள் - சுஜாதா - விசா
இரு அத்தியாயங்கள் கொண்ட குறுநாவல். ஏற்கனவே வாசித்தது. கையில் இல்லை என்பதால் வாங்கினேன்.

கிருஷ்ணப்பருந்து - ஆ.மாதவன் - அன்னம் ( இன்னும் படிக்கவில்லை)

அந்தக்கணங்கள் - காசியபன் - அன்னம் ( இன்னும் படிக்கவில்லை)

காவ்யாவில், பழைய சிற்றிதழ்களை குவித்து வைத்திருந்தார்கள். அதிலிருந்து பொறுக்கியது:

சமவெளி (காஞ்சி இலக்கியவட்டம்) - மே - 98. இந்த இதழின் பை-லைன் : 'நினைத்த போது வெளிவரும் இதழ்'. மே 98 க்குப் பிறகு நினைத்தார்களா இல்லையா என்று நிச்சயமாய்த் தெரியவில்லை.

கவிதாச்சரண் - அக்டோபர்- திசம்பர் 1998.

கனவு இதழ் 51- சுப்ரபாரதிமணியன்

வித்தியாசம் 2, 3 & 4 ( 1994) - நாகார்ஜுனன். இந்த இதழின் தலைப்பும் வித்தியாசமான எழுத்துருவில் இருந்தது. பில் போடுபவர் கண்டுபிடிக்க இயலாமல் சிரமப்பட, நானும் சிரமப்பட, கடையில் இருந்த கௌதம.சித்தார்த்தன் உதவிக்கு வந்து, பிரச்சனையை தீர்த்து வைத்தார்.

படப்பெட்டி - ஜனவரி 2006. - திரைப்பட அரசியல் பற்றிப் பேச என்று உபதலைப்பு கொடுத்திருக்கிறார்கள். திரைப்படமுமில்லை. அரசியலும் இல்லை.

மக்கள் தளம் - மே - ஜூன் 1995. தெரிந்த பெயர் ஒன்றுமில்லை. ' இல்மஸ் குணே' என்ற யமுனா ராஜேந்திரன் கட்டு¨ரக்காக வாங்கினேன். இன்னும் படிக்கவில்லை.

நடைபாதைக் கடைகளிலும் பெரிதாக ஒன்றும் இல்லை. திரும்பிய இடங்களில் எல்லாம், ஹாரி பாட்டர், ஸ்டீ·பன் கோவெ, டான் பிரவுன், சேதன் பகத் மட்டும் தான். இரண்டு மணிநேரம் செலவழித்து வாங்கியது 5 புத்தகங்கள்.

    1. சந்திரசேகர கம்பாரின் ' ஜோகுமாரசாமி' தமிழ் மொழிபெயர்ப்பு
    2. alchemist - paul coelho
    3. animal farm - george orwell ( ஒர்த்தரின் பலமான பரிந்துரைக்குப் பிறகு வாங்கியது..படிக்கலாமா?)
    4. the class - erich segal
    5. fourth estate - jeffrey archer

Comments

பினாத்தல் சுரேஷ் said…
3. animal farm - george orwell ( ஒர்த்தரின் பலமான பரிந்துரைக்குப் பிறகு வாங்கியது..படிக்கலாமா?) Thaaaaaaaaaaraaaalamaaa padikkalaam.. naanum guarantee!
1/15/2006 10:11:00 AM
ரவி ஸ்ரீநிவாஸ் said…
Chandrababu has written a semi-autobiography.has it been cited in the book.
1/15/2006 07:39:00 PM
Jayaprakash Sampath said…
Ravi, he wrote a serial in filmalaya ( old one, edited by MG vallapan) on the 'mAdi vIttu Ezhai' incident.[some parts of the verbal exchange between JPC and MGC, which appeared in the serial has been included in the book in verbatim]. I'm not sure if you are referring to this.

Suresh, thanks thalai.. padikkiREn..:-)
1/15/2006 07:52:00 PM
ரவி ஸ்ரீநிவாஸ் said…
No, I am referring to the one he wrote in 1970s in Seidee a daily edited by Nedumaran in.My memory is usually reliable in such cases, still you can check up with Nedumaran :).
1/16/2006 12:05:00 AM
doondu said…
இப்படி ஒரு தேர்தல் இருக்கிறது என்று முன்னரே சொல்லி இருந்தால் நானும் கலந்து கொண்டுவென்று இருப்பேன்.
1/16/2006 06:33:00 AM
Post a Comment

Popular posts from this blog

புரியாத பத்து விஷயங்கள்

By
1.எல்லாருக்கும் நன்றாகத் தெரிந்த ஸ்னேஹா வை எனக்கு மட்டும் அடையாளம் தெரியாமல் போவது ஏன் ? 2. எனக்கு நேரம் கிடைக்கும் வார இறுதிகளில் எல்லாரும் கம்ம்னு இருக்க, நான் வேலையா சுற்றிக் கொண்டிருக்கும் நேரங்களில் , இணையம் பரபரப்பாக இருப்பது ஏன்? 3. எல்லாரும் சடுதியில் முடித்து விட்டுப் போக, எனக்கு முன்னால் நிற்கிறவன் மட்டும் தொடர்ந்து ஐந்து நிமிடம் 'உச்சா' போவது ஏன்? 4. நாளை மற்றுமொறு நாளே என்ற குட்டி புஸ்தகத்தை நாற்பது நாளாகப் படித்தும் இன்னும் முடிக்க முடியாமல் இருப்பது ஏன்? 5. இணையத்தில் எங்கே முகமூடி தென்பட்டாலும், உடனடியாக ' நீங்க தானே அது? " என்று எனக்கு ஒரு மடல் வருவது ஏன்? 6.பிடித்த நடிகர் கவுண்டமணி செந்தில் என்று சொன்னால், எல்லாரும் என்னை ஒரு மாதிரியாக பார்ப்பது ஏன்? 7. என் கூட ஆரம்பித்தவர்கள் எல்லாம் 'புகைவண்டி' ஓட்டுவதை நிறுத்தி விட, நான் மட்டும் இன்னும் விடாமல் ஓட்டுவது ஏன்? 8. கமலஹாசன் இன்னும் டூயட்டு பாடுவதை நிறுத்தாதது ஏன்? 9 "நீங்கள் கேட்ட பாடலில்" எந்த குழந்தையைக் கேட்டாலும், பிடித்த நடிகர் விஜய் என்று சொல்வது ஏன்?
Read more

இந்தியாவில் வலைப்பதிவுகளுக்குத் தடை?

By
கடந்த இரண்டு நாட்களாக, இந்தியாவில், சில இணையச் சேவை நிறுவனங்கள், blogger.com, blogspot.com போன்ற வலைப்பதிவுச் சேவைகளைத் தடை செய்திருக்கின்றன . வலைப்பதிவுகளை பார்க்க முடியாமல், தன்னுடைய இணையச் சேவை வழங்கியை, தில்லியில் இருந்து வலைப்பதியும் மிருதுளா விசாரித்த போது , அரசு உத்தரவு என்று பதில் கிடைத்திருக்கிறது. இந்தத் தடையினால் பாதிக்கப்பட்டவர்கள் பலரும் இது குறித்து விரிவாக வலைப்பதிந்திருக்கிறார்கள். தற்போது கிடைத்திருக்கும் நிலவரப்படி, இணையச் சேவையை வழங்கும் தனியார் நிறுவனங்களான Reliance Infocom, Star Hathway, Tata Internet Services ,Exatt, Spectranet போன்றவையும், பொதுத்துறை நிறுவனமான MTNL உம் தடையை அமுல் செய்திருக்கின்றன. பெங்களூரில் இருந்து அபிநந்தன், spectranet என்கிற் ISP ஐ, தொலைபேசியில் அழைத்து விசாரித்த போது, அரசிடம் இருந்து தடை செய்யக் கோரி அறிக்கை வந்தது என்று உறுதிப்படுத்தியிருக்கிறார்கள். எதற்காக இந்தத் தடை என்று சற்றும் விளங்கவில்லை. அரசு, வலைப்பதிவுகளைத், இணையச் சேவை வழங்கிகள் மூலமாகத் தடை செய்ய வேண்டும் என்று நினைத்தால், அது முதலில் ஆர்டர் போடுவது, BSNL க்காகத்தான் இர
Read more

மிக்ஸர் - I

By
* பாரிஜாதம் படம் பார்த்தேன். பாக்யராஜ் பழைய ஃபார்முக்கு வந்துட்டார். தொடர்ந்து, ரவுடியிசம், தாதாக்கள், அரிவாள் வெட்டு குத்து என்று படங்களாகப் பார்த்து பார்த்து, உடம்பெல்லாம் ஒரே ரத்த வாடை. பாரிஜாதம் பார்த்ததும் வாடை போயே போச்சு. பாக்யராஜின் பழைய, 'விடியும் வரை காத்திரு', 'தூறல் நின்னு போச்சு', இன்று போய் நாளை வா' போன்ற படங்களின் திரைக்கதை அமைப்புக்கு கிட்டக்க கூட வரமுடியாது என்றாலும், இந்த காலகட்டத்திலே ஒரு மாறுதலான படம். கிளிஞ்சல்கள் படத்தில் வந்த பூர்ணிமா ஜெயராமுக்கு கொஞ்சம் காத்தடித்து, முகத்திலே கருப்பாக மேக்கப் போட்டால், அவர் தான், சரண்யா பாக்யராஜ். ஒருதரம் பார்க்கலாம். அதாவது, படத்தைச் சொன்னேன். * என்.எஸ்.கிருஷ்ணன் பற்றிய புத்தகம் ஒன்றை வாசித்தேன். கிழக்குப் பதிப்பகத்தின் முத்துராமன் எழுதியது. ( இந்த மாதிரி வாழ்க்கை வரலாற்றுப் புத்தகங்களுக்கு என்றே, ஒரு டெம்ப்ளேட் வைத்திருக்கிறார்கள் போலிருக்கிறது). நல்ல சுவாரசியமான புத்தகம். குழப்பாமல் கோர்வையாக,ஒரே வாசிப்பில் முடித்துவிடுகிற மாதிரி எழுதியிருக்கிறார் முத்துராமன். அதிலே இருந்த தகவல்கள் நான் முன்னர் அறியாதவை.
Read more