Shame!!!!

By

இந்தப் பெண்ணின் பெயர் இவாஞ்சலின் பிரின்ஸஸ். பெயருக்கு ஏற்றாற் போல இருக்கும் ஐந்தாம் வகுப்பு படிக்கும் இந்த குட்டி இளவரசி, ஆசிரியர் திட்டினார் என்பதற்காக, மேலே மண்ணெணை ஊற்றிக் கொண்டு தற்கொலை செய்து கொள்ள முயன்றார். தற்போது அப்போலோ மருத்துவமனை தீவிர சிகிச்சை பிரிவில் வைத்தியம் அளிக்கப் பட்டு வருகிறது.

ஹிந்து செய்தி

* இந்தப் பத்து வயதுப் பெண்ணுக்கு, அவமானம் என்ற சொல் எப்படி பரிச்சயமாகி இருக்க முடியும்? ஆசிரியர் திட்டுவது என்பது மிகவும் அவமானகரமான செயல் என்பதை இவளுக்கு யார் சொல்லித் தந்திருப்பார்கள்?

* ஆசிரியரிடம் தண்டனை கிடைத்தால் தற்கொலை செய்து கொள்ள வேண்டும் என்ற ஐடியாவை இவளுக்குள் விதைத்தவர்கள் யாராக இருப்பார்கள்?

* மேலே மண்ணெண்ணை ஊற்றி, நெருப்பு வைத்துக் கொண்டால், அத்தனை பிரச்சனைகளும் தீர்ந்து போய்விடும் என்று இவளுக்குத் தோன்றியது எங்கனம்?

குழந்தைகளை குட்டிச்சுவராக்கும் சமூகத்தில் நானும் ஒரு அங்கம் என்பதை நினைத்துப் பார்க்கவே வெட்கமாக இருக்கிறது....

Comments

ரா.சு said…
நியாயமான கேள்விகள்!. எனக்கென்னவோ தொலைக்காட்சித் தொடர்களினால்தான் இந்த தளிர்களுக்கு நச்சு ஊட்டப்படுகிறதோ என ஐயம்.

ஆசிரிய-மாணவ உறவு நிலையைப் பற்றிய நேற்றைய என் பதிவு : http://rsl.blogspot.com/2004/10/blog-post_109832152961750352.html
10/22/2004 10:01:00 AM
Jayaprakash Sampath said…
ரா.சு : அப்படிச் சொல்லித் தப்பித்துக்கொள்ள முடியாது. இது பன்முகத்தன்மை கொண்ட பிரச்சினை. அப்படியே டிவி சீரியல்கள்தான் காரணம் என்றாலும், அந்த டீவி சீரியலை தொடர்ந்து பார்த்து, குழந்தைகளுக்கும் அந்த பழக்கத்தை ஏற்படுத்து கின்ற பெற்றோரையும், அந்த டீவி சீரியல்களைத் தயாரிப்பவர்களையும், அதற்கு இடம் கொடுக்கின்ற தொலைக்காட்சிகளையும், ஆதரவு தரும் விளம்பரதாரர்களையும் 'not-guilty' என்று சொல்லி விட முடியுமா?
10/22/2004 12:02:00 PM
அன்பு said…
அதிர்ச்சிகரமான விஷயம். மிக சிந்திக்கவேண்டிய விஷயம்.

அசிங்கமென்றாலும் வெட்கமில்லாமல் சொல்கிறேன்...
அந்த புகைப்படத்தை பார்த்ததும் எனக்குத்தோன்றியது: படத்தில் உள்ள அந்தப்பெண் கோலங்களில் வரும் அபியின் கடைசி தங்கையின் சின்னவயது புகைப்படமோ என்பதுதான். அப்படியென்றால் சீரியல்களின் பாதிப்பு எவ்வளவு இருக்கிறது என்று பாருங்களேன்.

இதுபோன்ற நிகழ்வுகளுக்கு ஊடகங்களுடன், என்னையும் உள்ளடக்கிய இந்த சமூகமும்தான் பொறுப்பு.
10/22/2004 03:55:00 PM
Kasi Arumugam said…
பிரகாஷ்,

//இந்தப் பத்து வயதுப் பெண்ணுக்கு, அவமானம் என்ற சொல் எப்படி பரிச்சயமாகி இருக்க முடியும்? ஆசிரியர் திட்டுவது என்பது மிகவும் அவமானகரமான செயல் என்பதை இவளுக்கு யார் சொல்லித் தந்திருப்பார்கள்?//

இதைப் படிக்கும்போது என் மகளுடன் நேர்ந்த சில அனுபவங்கள் நினைவுக்கு வருகின்றன. (பேச்சு வந்ததுமே அமெரிக்க வந்துவிட்டதால், அவளின் ஆங்கிலத்தைப் பொறுத்துதான் ஆகவேண்டும்.)

'You are hurting my feelings' - 4 வயதில் எங்கோ போகவேண்டும் என்று அடம் பிடித்து, மாட்டேன் என்றதும், சொன்னது.
'It is not fair to talk about people'- 5 வயதில் 'இவள் இப்படி செய்தாள்' என்று இவளை வைத்துக்கொண்டு ஒருவரிடம் பேசியது காதில் விழுந்ததால் சொன்னது.

இதை 'காக்கைக்கும் தன் குஞ்சு...', 'இந்தக் காலத்துக் குழந்தைகள் படு சுட்டி' போன்ற ஃபார்முலாக்கள் படி நார்மலைஸ் செய்தே பார்த்தாலும், அந்தப் பத்து வயதுப்பெண் 'அவமானம்' பற்றி அறிந்திருப்பது எனக்கென்னவோ வியப்பான விஷயமாகப் படவில்லை.

பாவம், அந்தக் குழந்தை.

அன்புடன்,
-காசி
10/25/2004 07:32:00 AM
Post a Comment

Popular posts from this blog

புரியாத பத்து விஷயங்கள்

By
1.எல்லாருக்கும் நன்றாகத் தெரிந்த ஸ்னேஹா வை எனக்கு மட்டும் அடையாளம் தெரியாமல் போவது ஏன் ? 2. எனக்கு நேரம் கிடைக்கும் வார இறுதிகளில் எல்லாரும் கம்ம்னு இருக்க, நான் வேலையா சுற்றிக் கொண்டிருக்கும் நேரங்களில் , இணையம் பரபரப்பாக இருப்பது ஏன்? 3. எல்லாரும் சடுதியில் முடித்து விட்டுப் போக, எனக்கு முன்னால் நிற்கிறவன் மட்டும் தொடர்ந்து ஐந்து நிமிடம் 'உச்சா' போவது ஏன்? 4. நாளை மற்றுமொறு நாளே என்ற குட்டி புஸ்தகத்தை நாற்பது நாளாகப் படித்தும் இன்னும் முடிக்க முடியாமல் இருப்பது ஏன்? 5. இணையத்தில் எங்கே முகமூடி தென்பட்டாலும், உடனடியாக ' நீங்க தானே அது? " என்று எனக்கு ஒரு மடல் வருவது ஏன்? 6.பிடித்த நடிகர் கவுண்டமணி செந்தில் என்று சொன்னால், எல்லாரும் என்னை ஒரு மாதிரியாக பார்ப்பது ஏன்? 7. என் கூட ஆரம்பித்தவர்கள் எல்லாம் 'புகைவண்டி' ஓட்டுவதை நிறுத்தி விட, நான் மட்டும் இன்னும் விடாமல் ஓட்டுவது ஏன்? 8. கமலஹாசன் இன்னும் டூயட்டு பாடுவதை நிறுத்தாதது ஏன்? 9 "நீங்கள் கேட்ட பாடலில்" எந்த குழந்தையைக் கேட்டாலும், பிடித்த நடிகர் விஜய் என்று சொல்வது ஏன்?
Read more

இந்தியாவில் வலைப்பதிவுகளுக்குத் தடை?

By
கடந்த இரண்டு நாட்களாக, இந்தியாவில், சில இணையச் சேவை நிறுவனங்கள், blogger.com, blogspot.com போன்ற வலைப்பதிவுச் சேவைகளைத் தடை செய்திருக்கின்றன . வலைப்பதிவுகளை பார்க்க முடியாமல், தன்னுடைய இணையச் சேவை வழங்கியை, தில்லியில் இருந்து வலைப்பதியும் மிருதுளா விசாரித்த போது , அரசு உத்தரவு என்று பதில் கிடைத்திருக்கிறது. இந்தத் தடையினால் பாதிக்கப்பட்டவர்கள் பலரும் இது குறித்து விரிவாக வலைப்பதிந்திருக்கிறார்கள். தற்போது கிடைத்திருக்கும் நிலவரப்படி, இணையச் சேவையை வழங்கும் தனியார் நிறுவனங்களான Reliance Infocom, Star Hathway, Tata Internet Services ,Exatt, Spectranet போன்றவையும், பொதுத்துறை நிறுவனமான MTNL உம் தடையை அமுல் செய்திருக்கின்றன. பெங்களூரில் இருந்து அபிநந்தன், spectranet என்கிற் ISP ஐ, தொலைபேசியில் அழைத்து விசாரித்த போது, அரசிடம் இருந்து தடை செய்யக் கோரி அறிக்கை வந்தது என்று உறுதிப்படுத்தியிருக்கிறார்கள். எதற்காக இந்தத் தடை என்று சற்றும் விளங்கவில்லை. அரசு, வலைப்பதிவுகளைத், இணையச் சேவை வழங்கிகள் மூலமாகத் தடை செய்ய வேண்டும் என்று நினைத்தால், அது முதலில் ஆர்டர் போடுவது, BSNL க்காகத்தான் இர
Read more

மிக்ஸர் - I

By
* பாரிஜாதம் படம் பார்த்தேன். பாக்யராஜ் பழைய ஃபார்முக்கு வந்துட்டார். தொடர்ந்து, ரவுடியிசம், தாதாக்கள், அரிவாள் வெட்டு குத்து என்று படங்களாகப் பார்த்து பார்த்து, உடம்பெல்லாம் ஒரே ரத்த வாடை. பாரிஜாதம் பார்த்ததும் வாடை போயே போச்சு. பாக்யராஜின் பழைய, 'விடியும் வரை காத்திரு', 'தூறல் நின்னு போச்சு', இன்று போய் நாளை வா' போன்ற படங்களின் திரைக்கதை அமைப்புக்கு கிட்டக்க கூட வரமுடியாது என்றாலும், இந்த காலகட்டத்திலே ஒரு மாறுதலான படம். கிளிஞ்சல்கள் படத்தில் வந்த பூர்ணிமா ஜெயராமுக்கு கொஞ்சம் காத்தடித்து, முகத்திலே கருப்பாக மேக்கப் போட்டால், அவர் தான், சரண்யா பாக்யராஜ். ஒருதரம் பார்க்கலாம். அதாவது, படத்தைச் சொன்னேன். * என்.எஸ்.கிருஷ்ணன் பற்றிய புத்தகம் ஒன்றை வாசித்தேன். கிழக்குப் பதிப்பகத்தின் முத்துராமன் எழுதியது. ( இந்த மாதிரி வாழ்க்கை வரலாற்றுப் புத்தகங்களுக்கு என்றே, ஒரு டெம்ப்ளேட் வைத்திருக்கிறார்கள் போலிருக்கிறது). நல்ல சுவாரசியமான புத்தகம். குழப்பாமல் கோர்வையாக,ஒரே வாசிப்பில் முடித்துவிடுகிற மாதிரி எழுதியிருக்கிறார் முத்துராமன். அதிலே இருந்த தகவல்கள் நான் முன்னர் அறியாதவை.
Read more