Hutch : The Boy and the Pug

By
நம் poor man's Shunu Sen பக்கம் கொஞ்சம் தலை காட்டலாம் என்று எண்ணம்.

பிரபலங்களை மையமாக வைத்து விளம்பரங்கள் செய்வது ( celebrity endorsement) பற்றிய பல்வேறு கருத்துக்களை, சமீபமாக நாளிதழ்களில் படித்து வருகிறேன். பிரபலங்களின் , பிராபல்யத் தன்மை குறைவதும், அதிகமாவதும், அவர்கள் விளம்பரம் செய்யும் பிராண்ட் களை பாதிக்கும் என்பது ஒரு சாரார் சொல்வது. அது அப்படி அல்ல, என்று சில விளம்பர உலகின் தாதாக்கள், புள்ளிவிவரக் கணக்கை வைத்துக் கொண்டு, படம் காட்டி நிருபிக்கிறார்கள்.

அது ஒரு புறம் இருக்கட்டும். இந்த மாதிரி பிரபலங்கள் இல்லாமலேயே சக்கை போடு போட்ட ஹட்ச் நிறுவனத்தின் விளம்பரம் பற்றி சில வார்த்தைகள்.

இந்த விளம்பரத்தை நீங்கள் பார்த்திருக்கக் கூடும். படு அழகான ஒரு குட்டிப் பையனும், அதை விட அழகான ஒரு நாயும் தோன்றும் ஒரு விளம்பரத் தொடர். இந்த விளம்பரத்தின் பயனாக, ஹட்ச் செல்பேசி சேவைகளின் விற்பனை கூடியிருக்கிறது, brand awareness உம் கூடியிருக்கிறது என்று செய்திகள் சொல்கின்றன. இந்த விளம்பரத்தின் மாஸ்டர் மைண்ட், O & M நிறுவனத்தின் "national creative director [ இதைத் தமிழ் படுத்தினால் தேசிய படைப்பு இயக்குனர் என்று வினோதமாக இருக்கிறது என்பதால் ஆங்கிலத்திலெயே இருக்கட்டும் :-) ] பியுஷ் பாண்டே.

கடந்த சில மாதங்களில் பெரும் பரபரப்பு ஏற்படுத்திய விளம்பரம் இது. ஒரு pug வகை நாய்க்குட்டி, ஒரு சின்னப் பையன் எங்கே போனாலும் கூடவே வந்து கொண்டிருக்கிறது. குளிக்கும் போது, விளையாடும் போது, ஊஞ்சலாடும் போது என்று எங்கே போனாலும் அவனைத் தொடர்கிறது. வசனம் எதுவும் இல்லாமல், " wherever you go our network follows " என்ற voice over உடன் விளம்பரம் முடியும். ஹட்ச் நிறுவனம், இதே கருத்தில், வெவ்வேறு பல விளம்பரங்களை தொடர்சியாக ஒளிபரப்பியது. ஆனால் இந்த விளம்பரத்தின் தொடர்ச்சியாக சில வாரங்களுக்கு முன்பு வந்த விளம்பரம், சின்ன சலசலப்பை ஏற்படுத்தி இருக்கிறது.

அந்த விளம்பரத்தில், அதே சின்னப் பையன் நடந்து பாத்ரூமுக்குள் வருகிறான். வழக்கம் போலவே அந்த நாய்க்குட்டியும் அவனைப் பின் தொடர்கிறது. அந்தப் பையன் தன் நிஜாரைக் கழட்டிக் கொண்டே திரும்பப் பார்க்கிறான். அந்த pug அவனையே பார்த்துக் கொண்டிருக்கிறது. அவன் முகத்தில் சலிப்பு, அதைக் கொண்டு போய் வெளியே விட்டு விட்டு, அறைக்குள் செல்கிறான். வழக்கம் போல ஒரு வாய்ஸ்- ஓவரில், " wherever you go our network follows " .

எங்கே போனாலும் எங்கள் இணைப்பு உங்களைத் தொடரும்... சரி.. ஒத்துக்கிறேன். ஆனால், . எனக்கு வேண்டாத இடத்தில் கூடவே வந்து என்னைத் தொல்லைப் படுத்துமா உங்கள் சேவை? என்று விளம்பர அனலிஸ்ட்டுகள், வணிக நாளிதழ்களின் சப்ளிமெண்டுகளில் பத்தி பத்தியாக எழுதி மாய்கிறார்கள். இதைத்தான் back-fire என்பார்கள்.

நியாயம் தானே அவர்கள் சொல்வதும்?

Comments

மீனாக்ஸ் | Meenaks said…
I think too much is read into the ad. நாய் என்பது ஒரு குறியீடு மட்டுமே. அதற்கு இவ்வளவு அதிகபட்சமாய் அர்த்தம் கற்பித்துக் கொள்வது, கடைசியில் பாரபட்சமாய் முடிந்து விடுகிறது. தேவையற்ற இடம் என்பதை வரையறை செய்வதும், அங்கு செல்போனை எடுத்துச் செல்லாமல் இருப்பதும், பயன்படுத்தும் மனிதர்களின் சாமர்த்தியத்தில் இருக்கிறது. நெட்வொர்க்கைக் குறை காணுவதில் என்ன அர்த்தமுண்டு?
10/27/2004 11:17:00 AM
Santhosh Guru said…
பிரகாஷ், நீங்கள் பதிந்திருக்கும் இதே கருத்தினை எகனாமிக் டைம்ஸ் பத்திரிக்கையில் வரும், "கார்ப்பரேட் தாஸியே (Corporate Dossier)" விலும் சொல்லியிருக்கிறார்கள் (சுட்டி கொடுக்க முயன்றேன்.. முடியவில்லை :()
10/27/2004 08:55:00 PM
Santhosh Guru said…
ஆகா...நீங்க கடைசி பத்தியில் சொல்லியிருப்பதை அவசரத்தில் பார்க்காமல் கமெண்ட்டி விட்டேன்... எச்கூச் மீ:)
10/27/2004 09:00:00 PM
Jayaprakash Sampath said…
மீனாக்ஸ் : you have a point. இதை ஒரு நாளிதழின் சப்ளிமெண்ட்டில் படித்தேன். அட இப்படியுமொரு கோணம் இருக்கிறதா என்று இங்கே எழுதினேன்.

சந்தோஷ் குரு : நான் கூட இணையத்தில் இணைப்பு கிடைக்கிறதா என்று தேடிப் பார்த்தேன். brand equity யா அல்லது corporate dossier ஆ என்று சரியாக நினைவில்லை
10/28/2004 12:42:00 AM
Post a Comment

Popular posts from this blog

புரியாத பத்து விஷயங்கள்

By
1.எல்லாருக்கும் நன்றாகத் தெரிந்த ஸ்னேஹா வை எனக்கு மட்டும் அடையாளம் தெரியாமல் போவது ஏன் ? 2. எனக்கு நேரம் கிடைக்கும் வார இறுதிகளில் எல்லாரும் கம்ம்னு இருக்க, நான் வேலையா சுற்றிக் கொண்டிருக்கும் நேரங்களில் , இணையம் பரபரப்பாக இருப்பது ஏன்? 3. எல்லாரும் சடுதியில் முடித்து விட்டுப் போக, எனக்கு முன்னால் நிற்கிறவன் மட்டும் தொடர்ந்து ஐந்து நிமிடம் 'உச்சா' போவது ஏன்? 4. நாளை மற்றுமொறு நாளே என்ற குட்டி புஸ்தகத்தை நாற்பது நாளாகப் படித்தும் இன்னும் முடிக்க முடியாமல் இருப்பது ஏன்? 5. இணையத்தில் எங்கே முகமூடி தென்பட்டாலும், உடனடியாக ' நீங்க தானே அது? " என்று எனக்கு ஒரு மடல் வருவது ஏன்? 6.பிடித்த நடிகர் கவுண்டமணி செந்தில் என்று சொன்னால், எல்லாரும் என்னை ஒரு மாதிரியாக பார்ப்பது ஏன்? 7. என் கூட ஆரம்பித்தவர்கள் எல்லாம் 'புகைவண்டி' ஓட்டுவதை நிறுத்தி விட, நான் மட்டும் இன்னும் விடாமல் ஓட்டுவது ஏன்? 8. கமலஹாசன் இன்னும் டூயட்டு பாடுவதை நிறுத்தாதது ஏன்? 9 "நீங்கள் கேட்ட பாடலில்" எந்த குழந்தையைக் கேட்டாலும், பிடித்த நடிகர் விஜய் என்று சொல்வது ஏன்? ...
Read more

இந்தியாவில் வலைப்பதிவுகளுக்குத் தடை?

By
கடந்த இரண்டு நாட்களாக, இந்தியாவில், சில இணையச் சேவை நிறுவனங்கள், blogger.com, blogspot.com போன்ற வலைப்பதிவுச் சேவைகளைத் தடை செய்திருக்கின்றன . வலைப்பதிவுகளை பார்க்க முடியாமல், தன்னுடைய இணையச் சேவை வழங்கியை, தில்லியில் இருந்து வலைப்பதியும் மிருதுளா விசாரித்த போது , அரசு உத்தரவு என்று பதில் கிடைத்திருக்கிறது. இந்தத் தடையினால் பாதிக்கப்பட்டவர்கள் பலரும் இது குறித்து விரிவாக வலைப்பதிந்திருக்கிறார்கள். தற்போது கிடைத்திருக்கும் நிலவரப்படி, இணையச் சேவையை வழங்கும் தனியார் நிறுவனங்களான Reliance Infocom, Star Hathway, Tata Internet Services ,Exatt, Spectranet போன்றவையும், பொதுத்துறை நிறுவனமான MTNL உம் தடையை அமுல் செய்திருக்கின்றன. பெங்களூரில் இருந்து அபிநந்தன், spectranet என்கிற் ISP ஐ, தொலைபேசியில் அழைத்து விசாரித்த போது, அரசிடம் இருந்து தடை செய்யக் கோரி அறிக்கை வந்தது என்று உறுதிப்படுத்தியிருக்கிறார்கள். எதற்காக இந்தத் தடை என்று சற்றும் விளங்கவில்லை. அரசு, வலைப்பதிவுகளைத், இணையச் சேவை வழங்கிகள் மூலமாகத் தடை செய்ய வேண்டும் என்று நினைத்தால், அது முதலில் ஆர்டர் போடுவது, BSNL க்காகத்தான் இர...
Read more

மிக்ஸர் - I

By
* பாரிஜாதம் படம் பார்த்தேன். பாக்யராஜ் பழைய ஃபார்முக்கு வந்துட்டார். தொடர்ந்து, ரவுடியிசம், தாதாக்கள், அரிவாள் வெட்டு குத்து என்று படங்களாகப் பார்த்து பார்த்து, உடம்பெல்லாம் ஒரே ரத்த வாடை. பாரிஜாதம் பார்த்ததும் வாடை போயே போச்சு. பாக்யராஜின் பழைய, 'விடியும் வரை காத்திரு', 'தூறல் நின்னு போச்சு', இன்று போய் நாளை வா' போன்ற படங்களின் திரைக்கதை அமைப்புக்கு கிட்டக்க கூட வரமுடியாது என்றாலும், இந்த காலகட்டத்திலே ஒரு மாறுதலான படம். கிளிஞ்சல்கள் படத்தில் வந்த பூர்ணிமா ஜெயராமுக்கு கொஞ்சம் காத்தடித்து, முகத்திலே கருப்பாக மேக்கப் போட்டால், அவர் தான், சரண்யா பாக்யராஜ். ஒருதரம் பார்க்கலாம். அதாவது, படத்தைச் சொன்னேன். * என்.எஸ்.கிருஷ்ணன் பற்றிய புத்தகம் ஒன்றை வாசித்தேன். கிழக்குப் பதிப்பகத்தின் முத்துராமன் எழுதியது. ( இந்த மாதிரி வாழ்க்கை வரலாற்றுப் புத்தகங்களுக்கு என்றே, ஒரு டெம்ப்ளேட் வைத்திருக்கிறார்கள் போலிருக்கிறது). நல்ல சுவாரசியமான புத்தகம். குழப்பாமல் கோர்வையாக,ஒரே வாசிப்பில் முடித்துவிடுகிற மாதிரி எழுதியிருக்கிறார் முத்துராமன். அதிலே இருந்த தகவல்கள் நான் முன்னர் அறியாதவை. ...
Read more